د روسی پوځیانو جنایت په افغانستان

د ۱۳۵۸ کال د مرغومى ۶مه نیټه هغه توره ورځ ده چی روسي یرغلګرو زمونږ هیواد د ریښتیني جنګیالیو او تنکيو ځوانانو په وینو رنګ ګر. کله چی د روسې سوسیال امپریالیزم ولید چی خلقی او پرچمی چوپړان یی نشی کولای د هغوی نقشی او پلانونه په افغانستان کی پلی کړی نو سم د لاسه یی په مستقیمه توګه افغانستان تر یرغل لاندی رواست او هر مخالف غږ یی د ټوپک او ربړونې په زور وځاپه. ددی ځناورو د یرغل وروسته ددوی ګوډګیان لا هم داړه‎مار شول او په بی‎رحمانه توګه یی له یو میلیون څخه زیات پرهیواد مین خلک په کابل او نورو ولایتونو کی ووژل. بندخونې له روڼ‎اندو او مبارزانو ډکې شوې، هر شپه به یی په سلګونه ځوانان او سپین‎ږیری چی ددوی غلامۍ ته نه تسلیمیدل په پولیګون کی په ډله‎یزو قبرونو کی ژوندي ښخ وول او یا یی تر هغه ربړول چی ساه ورکړي.

 ۳ کلنه صفیه

د ۱۳۹۳ لمریز کال د وږی میاشتی په ۱۸مه نیټه د کنړ ولایت اړوند د نرنګ ولسوالی پوری تړلی د باډیل درې ته امریکایی جنایتکارانو (C.P.T) او محلی پولیس په ګډه ننوتل تر څو په دغه سیمه کی د خپلو سیمه‎ایزو څارونکو په مرسته ددوی په وینا طالبان وځپی مګر د دیارلسو کالو تجربو دا په ډاګه کړی چی د امریکایی یرغلګرو د برید په پایله یواځی ځای او ملکی وګړي وژل کیږی او بس. د باډیل په دره کی هم دوی د شپی له خوا د صوبه غونډۍ محاصره کوی او سهار وختی طیارو ته امر کوی چی سیمه بمبار کړی. د دغه جنایتکارانه عمل په پایله کی ۱۶ تنه ولسی وکړي سخت ټپیان او ۱۳ تنه نور شهیدان کیږي چی نومونه یی په لاندی ډول دي:

امان‌الله

د افغانستان د همبستګۍ ګوند یو وار بیا د خپل تکړه، مبارز او ژمن غړي د لاسه ورکولو له امله د غم په ټغر کښیناست. د همبستګۍ ګوند د امان‌الله مرګ غټه تشه بولي او کورنۍ او ملګرو ته یې د هغه د مړینې تسلیت وایي او ژمنه کوي چې په نه ستړې کیدونکي مبارزې سره به د هغه لارې ته دوام ورکوي.

امان‌الله د یارمحمد زوی د کنړ ولایت ناړۍ ولسوالی اړوند د بریکوټ د کلي په یوه بیوزله کورنۍ کې په داسی وخت کې چی هیواد یې د روسانو مستقیم یرغل لاندې و، په ۱۳۶۰ لمریز کال کې نړۍ ته سترګې پرانستلې. لا وخت تیر نه و چې د ګوډاګیانو «خلق او پرچم» د زور زیاتي له امله بیوزله پلار یې چې بزګر و، خپل پلارنی ټاټوبی خوشې او د چترال اړوند کلکتهاک کمپ ته په کډوالۍ اړ شو. څرنګه چې هغه مهال د روسانو د یرغل پروړاندی د وطن پالو افغانانو لخوا کلکه او نه ستړې کیدونکې مبارزه روانه وه، د ده مشر ورور خان زمان هم د هیواد ساتنې په نیت د یو شمیر مخکښه روڼ اندو په لیکو کې چې د روسانو په خلاف یې قومي سنګرونه جوړ کړي وو، ورننوت.

فیصل

پدی ورځو کی داسی ګونګوسی روانی دی که چیری امریکا له افغانستان څخه ووځی نو د بیوزلو ژوند به خراب شی او کورنۍ جګړې به پیل شي. دا په داسی حال کی ده چی هر ورځ امریکا پوری تړلی رسنیو د خبرونو سرټکی همدا خبر جوړوي او د خلکو غلولو لپاره له یوڅو عام وکوړو سره مرکه کوی ترڅو خلکو ته داسی ښکاره کړه چی امریکا د خلکو ژوند د ښیرازه کولو لپاره دلته راغلی او د افغانستان ولس غواړی چی امریکا دی دلته پاتی شي ولی هیڅکله د خوار ملت غږ چی زامن، پلرونه، میندی، خویندی، ښځی، بوډاګان و کمکیان یی د امریکا په بمباریو کی له لاس ورکړي نه وچتوي.

عربی ښکارچیان

د ۱۳۹۲م کال د مرغومې په ۱۸مه نېټه د ماښام په ۶ بجو د طلوع تلویزیون خبري سرویس په ډاګه کړل چې:

«عبدالرب رسول سیاف د جمهوري ریاست نوماند او دده مرستیال تورن اسمعیل عربی ښکارچیان هیواد ته را بللي او د هیواد د جمهور رئیس کرزی د فرمان په خلاف د قیمتی مرغانو په ښکار بوخت دي، تر څو دغه سرمایه هم له منځه یوسی. په افسوس سره، چې جمهور رئیس ښاغلي کرزي او پاتې چارواکو هم ځانونه غلي نېولي.»

په لمړي پړاو کې سیاف او نورو پاکستان ناستو جهادي مشرانو په پاکستان کې افغانې درنې بیبیانې، چې په پت عزت خوندي وې، هلته په خپلو عربو بادارانو خرڅې کړې او عرب خو لا څه کړې، چې ان د پاکستاني کمېشنرانو د زړه لاس ته راوړلو لپاره یې هغو ته هم وړاندې کړې. د دغو مېرمنو له ډلې څخه زیاتې هغه کونډې وې، چې مېړونو یې په مېړانه سره خپل سرونه د هېواد آزادۍ په لار کې ایښي وو.

عنایت الله

عنایت الله د معلم امان الله نورستاني ځوی په کال ۱۳۷۱ لمریز کال د کنړ ولایت د غازي آباد ولسوالۍ اړوند د درین په کلي کې زیږیدلی و، لومړنۍ زده کړې یې په پلارني ټاټوبي کې ترسره کړې او ثانوي دوره یې د آسدآباد په صنایع لیسه کی پای ته ورسوله. نوموړی لا د لیسې په دوران کې په خپله زده کړه بوخت و چې د افغانستان د همبستګۍ ګوند د غړو تراغیزې راغی او په ۱۳۸۷ لمریز کال کې د دغه ګوند غړیتوب یې ترلاسه کړ.

ځوان عنایت الله چې په الهام یې شهرت درلوده د افغانستان د همبستګۍ ګوند په لاریونونو کې د لسګونو هم صنفیانو سره یوځای فعاله ونډه اخستله، د نوموړي همدغه سیاسي کړنې د دې لامل وګرځیدلې چې د لیسې اخواني مدیر ورته ګواښونه ورکړي او د څه وخت لپاره د خپلو نورو ټولګیوالو په ګډون له لیلیې څخه وایستل شي.

عینی شاهد

کنړیان هر نوی کال د ۱۳۵۸ کال د وری د ۳۱ می په غمیزه یعنی د کرهالی په ټول وژنه بدرګه کوي د هر سپرلي په را رسیدو سره د ویرجن کنړیانو ذهنونه د خلقیانو او پرچمیانو نه هیریدونکې ظلم چې ۱۲۶۰ تنه معصومه کرهالیان یې شهیدان کړه انځوروي؛ سره له دی چې د پیښی ټول عاملان د ځلانده لمر پشان ټولو ته معلوم دي او ان تر دي چې د وخت د لاسپوڅي رژیم لاسوندونه او عیني شاهدانو هم د دوي نوم لړ په لاندې ډول په ډاکه کړی او په کراتو د قربانیانو کورنیو د تحصن او پریکړه لیک په ډول د دولت، نړیوالی ټولنې، بشري حقونو او مدنې ټولنو څخه د دوي د محاکمه کولو غوښتنه کړي مګر د تل په شان ځواب هیڅ و.

شاروال کابل

د کابل ښاروال محمد یونس نواندیش؛ چې د ستر جنایتکار عبدالرشید دوستم چوپړه دی، درې کاله مخکې د ۲۰۱۰ کال د جنورۍ په میاشت کې «د شکایتونو د اوریدلو کمیسیون» د مشر زلمی زابلی په وینا د امریکا د سفیر په وړاندیز، حامد کرزي لخوا په دنده وګمارل شو. نوموړي په کال ۱۳۹۰ کې د هوایي ډګر- انټرکانټیننټال هوټل د سړک د خځلو لیږد لپاره ۴۸ میلیونه افغانۍ په غیر قانوني توګه یو ترکي شرکت «کاپي انټرنشنل» ته ورکړې دي.

د «۸ صبح» ورځپاڼې د سه شنبې په ورځ د ۱۳۹۱ کال د مرغومې په پنځمه د کابل ښاروال محمدیونس نواندیش د اختلاس په اړه یو څیړنیز راپور خپور کړی، د دغي راپور مهم ټکي دادی.

د دې پروژې په اړه ملي امنیت، د فساد سره د مبارزې عالي کمیټې او ان تردې چې جمهوري ریاست ځانته ځانته څیړنې او ارزونې کړي دي. د ملي امنیت عمومي ریاست چې دا پیښه یې له نیږدې څارلې، ۱۰/۱۱/۱۳۹۰په ۵۸۱ ګڼه استعلام کې په خپله د کابل ښاروالۍ د کار حفظ او مراقبت ریاست څخه غوښتنه کړې، چې دا مسئله روښانه کړي، چې آیا د ویجاړ شویو کورونو خاوره او خځلې د دوی ریاست لیږدولي او که نه؟ د استعلام په بله برخه کې راغلي «د هوایي ډګر-انټرکانټیننټال هوټل ۷۰ متره سړک د پراخولو په لړ کې د باغ بالا په سیمه کې کوم اضافي مواد چې منځته راغلي وو، د کار حفظ او مراقبت ریاست په ځواک او وسایلو کوم ځانګړي ځای ته لیږدول شوي او که نه؟»

د دانگام ولسوالی

هغه څه چې لا تر اوسه یې رسنیو ته لار نه ده موندلې او یا هم خپله رسنیو د ګواښ یا تړلتیا له امله په خپلو خپرونو کې نه دي خپاره کړي په دی ګزارش کې هڅه شوې، چې تاسې ته د ړومبنې ځل لپاره په ریښتینې ډول وړاندې شي.

دانګام د کنړ ولایت ختیځ لور پاکستان سره په ګډه پوله پرته هغه سرحدي ولسوالۍ ده، چې تیرو دوو کالو راهیسې د پاکستاني ځواکونو او فاشیستي طالبانو د توغندیزو بریدونو شاهده ده، په تیرو دوو کلونو کې د پاکستاني ځواکونو په ړندو بریدونو کې د دانګام، ناړۍ، شیګل او سرکاڼو ولسوالیو ولسونو ته درانده زیانونه اړولې دي. په لسګونو بیګناه خلکو خپل خوږ ژوند له لاسه ورکړی او په سلګونه نور ټپیان شوې دي، د ځاني زیانونو سربیره یادو اغیزمنو خلکو خپل په سلګونه څاروي او کروندې هم له لاسه ورکړي او خپلو ټاټوبو څخه یا نورو سیمو ته کډوال شوي او یا هم د ځمکې لاندې سمڅو ته د پناه وړلو ته اړ شوي دي، چې ددی بریدونو اصلي لامل پاکستاني طالبان او کرزې دولت په ګوته شوي.

جمیع الله د طالبانو لخواه وژل شوی کس

ساو کلی چې د کنړ ولایت د ناړی ولسوالی جنوب لور ته په پنځه کیلومټری کې پروت دی ډیری وګړی یی په کرکیلی او مالداری بوخت دي، ددی کلی خلک زیاتره وخت د دولت او طالبانو تر منځ د جګړی ښکار شوي ولی دا ځل دا جنایت له نورو په پرتله ډیر دردونکې دي دا ځکه چې د یوی کورنۍ شپږ غړې چې یو تن متعلم او یو تن محصل هم په کې شامل دی په مرمیو غلبیل شول.

دا پیښه د لعل محمد چې په (کوسه لعل) شهرت لری سره دخپلو زامنو چې د وسلوالو طالبانو مهمه برخه جوړوي او بل لور ته د بزګر عین الله کورنۍ ده، سیمی د وګړو په وینا «دا یوه غریبه، آرامه او بی لوری کورنۍ وه چې خپلې ورځنې چاری به یی په کرکیلې تیرولې مګر څو واری د کوسه لعل په مشری د طالبانو لخوا ګواښل شوي و چې د طالبانو سره یو ځای شي او که نه نو خپل جایداد دی کوسه لعل (طالبانو) ته پریږدی، مګر عین الله د کورنۍ لخوا د طالبانو دغه غوښتنه ونه منل شوه».

مقالی

هنر او ادبیات

د تاریخ له پاڼو څخه

مونږ 196 میلمانه آنلاین لرو