د بالادوری د کلی خلک د ځناورتوب د پیټی لاندی عذاب تیروی

بالادوری او د هغی ګاونډی کلي چی د بغلان ولایت دمرکز پلخمری ښار څخه ۱۰ کیلومتر لریوالی لری او خلک یی بزګران او شپنکی دی ددی په خوا کی چی د غریبی او نیستی ژوند تیروی اوس مهال د ځناور طالبانو پنجو ته په لاس ولیدلی او هر شیبه شونی ده چی مرګ د دوی په لور راشی. دغه مرګ یا د طالبانو د مردکی څخه او یا د دولت د هوانونو او توغندیو څخه دی.

طالبانو په کنړ کی یوه کورنی د ویر په ټغر کښینوله

د ۱۳۹۴ کال د مرغومي په ۵مه نیټه د کنړ ولایت، ناړی ولسوالی د بریکوټ په کلی کی شپی په ۱۲ بجو وسله‎والو طالبانو په یوه کور برید وکړ چی په پایله کی شپږ تنه ووژل او یو کس زخمی شو. په وژل شوو کسانو کی بهادر شاه د محمد شاه ځوی او دده دوه زامن غزوان پنڅه کلن او عفران دری کلن او د بهادرشاه خواښی او خینه او ترور شامل دی. په دی پیښه کی د بهادر شاه میرمن ډیره سخته ټپي شوی ده.

د ګل‎جهان هیلې د انساني ژوند زیری دی‎

ګل‎جهان د «افغانستان د همبستګۍ ګوند» فعاله غړې وه چی د ۱۳۹۴ کال د لړم په ۷مه نیټه د سږو ناروغۍ له امله له نړۍ څخه سترګی پټې کړې. د همبستګی ګوند د هغې مړینه ګوند ته غټه ضایعه بولی او کورنۍ او د ګوند غړو ته ډاډګیرنه ورکوي او دا ژمنه کوی چی د هغې هیلو پوره کیدو پوری به مبارزې ته ادامه ورکړي.

په ننګرهار کی د همبستګۍ ګوند لاریونکونکو په زابل کی د اووه تنو هیوادوالو سر پری‎کول وغندل

۱۳۹۴ کال د لړم ۲۱مه (۲۰۱۵ کال د نوامبر ۱۲مه): د «افغانستان همبستګۍ ګوند» جلال‎آباد ښار کی لاریون وکړ چی د کابل خلکو له پرتمین خوځښت څخه یی خپل ملاتړ اعلان کړ، او په زابل کی د اووه تنو بی‎ګناه هزاره هیوادوالو سر پری‎کول په سختو ټکو وغانده. لاریون‎کونکو چی ډیرۍ یی ښځې وی له مرکزي شعار سره «د انسان وژونکو طالبانو، داعشیانو، تنظیم یانو او د هغوی بادارانو له ځناورتوب څخه د خلاصون یوازی یوه لاره ده: پوهه، یووالی، مبارزه!» لارو ته راوتی وو او د زابل شهیدانو انځورونه یی له ځانه سره وړل چی په یو پلاکارت کی لیکل شوی و: «زه پښتون هزاره یم- د ګرانې شکری غچ اخلم!»

کندز د ځناورو طالبانو او ملي وحشت حکومت د کندز د ځناورو طالبانو او ملي وحشت حکومت د بی‌پروایی په اورکې وسوځیده

د طالبانو په لاس د کندز د را پرځیدو وروسته، په دی ښار کې اور ولګید او مظلوموو اسیدونکو یی بشری ضد جنایتونه وزغمل.

د ملی ځناورتوب حکومت په یوی پټی معاملی سره دغه ښار ځناورو طالبانو ته وسپاره او هغوی هم یو ځل بیا خلکو ته په لوټونی، جنسی تیری او ډله‎یزی وژنی سره خپله شډلتیا او بی‎رحمی وروښودله.


د شاه‎شهید ناورین د قربانیانو قهرجن لاریون (۱۳۹۴ کال د زمري ۱۹ مه)

۱۳۹۴ کال د زمري په ۱۹ مه نیټه (۲۰۱۵ کال د آګست ۱۰مه) د شاه‎شهید ناورین پاتی کورنی غړو یو قهرجن لاریون په ترڅ کی د دولت او امریکا پر ضد شعارونه ورکړل. هغوی وای چی دولت غواړي پر دغې غمیزې پرده واچوی په داسی حال کی چی دغه برید د امریکا له لوری د توغندي او یا بم په اچولو ترسره شوی دی او امنیتي ځواکونو دغه یو ځانمرګی برید اعلان کړ. هغوی ټول په یو آواز وای چی له چاودنی وړاندی یی، د الوتکو او د توغندي ویرونکی غږ اوریدلی دی چی له هغې وروسته بریښنا پرې کیږي او یوه لویه چاودنه ترسره کیږي. هغوی وای د مړو شمیر تر سلو زیات دی او زیاتوی چی لاتراوسه هم یو شمیر مړي د خاور لاندی دي.

امنیتي ځواکونو او په شخصی جامو کی د «ملی امنیت» کسانو چی شمیر یی لسګونو تنو ته رسیده په زوره او چل یی غوښتل د لاریون‎کونکو لیکو ته ورننوځي او هڅه یی کوله د هغوی غږ چُپ کړي. په خاصه توګه هغوی هڅه کوله چی د لاریون کونکو د امریکا ضد شعار مخه ونیسی او ویل یی چی یواځی د پاکستان پر وړاندی شعار ورکړۍ.

د «افغانستان همبستګۍ ګوند» به ډیر ژر ددغه لاریون او د قربانیانو کورنیو غړو سره د مرکې پوره ویډیو خپره کړي. ډیرۍ خلک د افغانستان پر رسنیو هم قهر دی او وای چی هغوی ددوی خبرې سانسور کړي او په پوره توګه یی ندی خپرې کړي.

په هدیره کی ژوند، د کابل د تنظیمي جګړو څخه شل کاله وروسته

ماما نور په یوه ورځ د کابل جګړو په لړ کې د خپلې میرمنې ترڅنګ د خپلې کورنۍ پنځه تنه دلاسه ورکړل او په توره ورځ کې کیناست. د اولادونو او میرمنې دلاسه ورکولو شل کلن ټول غم، ماما نور له خپلو خپلوانو او دوستانو څخه یوې څنډې ته کړی دی. د کابل په ختیځ کې د شهدای صالحین هدیره د دې مشر د اوسیدو ځای ګرځیدلی دی. هغه د خپلو دلاسه تلو عزیزانو د قبرونو شاوخوا یوه جونګړه جوړه کړې او هلته د خپل سپي او مرغۍ سره ژوند کوي.

ماما نور د خپلې میرمن او اولادونو د یادونو سره ژوندی دی او د خپل د زړه ټوټو دلاسه ورکولو غم هغه داسی ستړی او ناتوانه کړی چې د خبرو کولو وس هم نلري. وایي چې ژوندی دی او د خپل شاوخوا مړو سره هیڅ توپیر نلري.

د دې ویر لرونکي پلار په سترګو کې اوښکې وچې شوي، خو د درد لرونکې ستونې سره د خپلو عزیزانو دلاسه ورکولو پیښه داسې بیانوي.

په ننګرهار کی د غاصبانو پر وړاندی د ښوونکو لاریون

د ۱۳۹۴ کال د وری په ۲۶ نیټه د ننګرهار ولایت خیوی ولسوالۍ ۴۷ ښوونځیو ښوونکو، سرمعلمانو، معاونانو او مدیرانو په کډون یوه لویه اعتراضی غونډه د سید جمال‌الدین افغان په ښوونځی کی ترسره شوه. ددی اعتراضی غونډې موخه، د ښوونکو ته ورکړل شوی ښارګوټی کی د غاصبینو لاسوهنې او خنډ رامنځته کیدل او د دولت بی کفایتی، پام او توجه نه کول، وه.

دا چی په افغانستان کی د زورواکانو، ټوپکسالارانو او غاصبینو لخوا ولسی ځمکې، ښارګوټی، پارکونه او تر دی چی لرغونی ولسی هدیری هم پاتی نه شوی. د پرله پسی د ځمکو غصب څخه وروسته د ټولنی هغه زیارکښه او روڼ‎اند طبقه چی د ټولنی په پرمختګ کی مهم رول لوبوی نن د هغو ځمکې هم د غاصبینو لخوا ونیول شوې.

دانگام ولسوالی

نیږدې یوې میاشتې راهیسې په دانګام ولسوالۍ کې د طالبانو او دولت ترمنځ خونړۍ جګړه روانه ده، په یاده جګړه کې لسګونو ولسي وګړو ته مرګ ژوبله اوښتې. کورونه یی سوزول شوي، مالونه یې لوټ او د خپلو کورونو پریښودو ته اړ شوي دي. دا په داسې حال کی ده چې دولت او نړیوالو ځواکونو په کراتو ویلي چې طالبان د جبهه ای جنګ وړتیا نلري او یوازې غلچکي بریدونه کوي.

تردې مهال په یاده جګړه کې ۳ ماشومان، یوه ښځه چې څلور واړه د دواجان د کورنۍ غړي ؤ او ۳ «ولسي پاڅون کوونکي» هر یو متین د لال محمد زوی، خان محمد د شیر خان زوی او دریم کس د جمدر خان زوی په ډیره وحشیانه توګه د طالبانو لخوا وژل شوي او د ۲۰ څخه زیات ولسي وګړي پکې ژوبل شوې دي.

د روسی پوځیانو جنایت په افغانستان

د ۱۳۵۸ کال د مرغومى ۶مه نیټه هغه توره ورځ ده چی روسي یرغلګرو زمونږ هیواد د ریښتیني جنګیالیو او تنکيو ځوانانو په وینو رنګ ګر. کله چی د روسې سوسیال امپریالیزم ولید چی خلقی او پرچمی چوپړان یی نشی کولای د هغوی نقشی او پلانونه په افغانستان کی پلی کړی نو سم د لاسه یی په مستقیمه توګه افغانستان تر یرغل لاندی رواست او هر مخالف غږ یی د ټوپک او ربړونې په زور وځاپه. ددی ځناورو د یرغل وروسته ددوی ګوډګیان لا هم داړه‎مار شول او په بی‎رحمانه توګه یی له یو میلیون څخه زیات پرهیواد مین خلک په کابل او نورو ولایتونو کی ووژل. بندخونې له روڼ‎اندو او مبارزانو ډکې شوې، هر شپه به یی په سلګونه ځوانان او سپین‎ږیری چی ددوی غلامۍ ته نه تسلیمیدل په پولیګون کی په ډله‎یزو قبرونو کی ژوندي ښخ وول او یا یی تر هغه ربړول چی ساه ورکړي.

مقالی

هنر او ادبیات

د تاریخ له پاڼو څخه

مونږ 227 میلمانه آنلاین لرو