لویې جرګې څخه یوځل بیا په رذیلانه توګه ناوړه ګټه واخیستل شوه او یوشمېر پېژندل شوې څېرې چې جنایتکاری، مزدوری، لوټماری او خلکو سره دښمنی یې په کراتو ثابته شوې وه د کرزی ګوډاګی دولت یوشمېر هوکړې کوونکو استازو سره یوځای شول او همغه شان چې وړاندوینه کېدله د امریکا په تېری کوونکی دولت باندې د افغانستان پلورلوته یې هوکړه وکړه. کرزی او شاوخوا کسانو یې د خپلو امریکایی څښتناو په لمسون د موږ د بې وزله او درپه در ملت له خزانې څخه لس ملیونه ډالره د یوه غولوونکی حرکت په ترڅ کې پو پناه کړل څو په نړیوالو ټولنو کې داسې تبلیغ وکړی چې ګواکې دغه تاریخی خیانت د«افغانستان دملت په لارښوونه» ترسره شوی دی.پخوا تر دې خلقی او پرجمی هېواد پلورو د دغه راز فرمایشی جرګو په جوړولو سره وغوښتل چې «شمالی ستر ګاونډی» ته خپله چوپړتیا د ملت د سلا مشورې په نوم توجیه کړی چې ځآی یې ونه نیو او خپلو اربابانو سره یوځآی د تاریخ کندې ته ولاړل. نن یوځل بیا د کرزی مزدور دولت د روس د چوپړانو ناکامه او شرموونکې تجربې له سره آزمایی خو اوس زموږ ولس دومره پوهېدلی چې ددغه راز خیانته ډکولوبو باندې ونه غولېږی.

په افغانستان کې د امریکایی اډو تل پاتې شتون او مریی توب قرار داد نوې خبره نده، امریکا او هملاسویې د لسو کالو راهیسې خپل ستر جنګی ماشین او شکمنې اډې د هېواد په بېلو بېلو سیمو کې ځای پرځای کړی ترڅو د نوؤ پاڅېدلو آسیایی ځواکونو په وړاندې د نړیوال زبرځواک په توګه خپل پوځی موقعیت وساتی. امریکا ته د چوپړتیا قرار داد په ۲۰۰۳ کال کې ډاکتر عبدالله د ملت له سترګو لرې سرته رسولۍ ؤ خو اوس د امریکا مزدورانو وغوښتل چې په دغه هېواد پلورونکی حرکت باندې د قانونی بڼې ورکولو په موخه د«ملت د غوښتنې» ټاپه هم ولګوی.

نن د اکتوبر ۷ (دتلې ۱۵) پر افغانستان باندې دامریکا او هملاسو دتیری یوه لسیزه پوره شوه، هغه تېری چې د مرغومی د شپږمې تورې ورځې سره چې زمونږ هېواد د روسی نیواکګرانو له خوا ونیول شو څه توپیر نلری. امریکا دخپل ستر تبلیغاتی ماشین په مرسته دنړیوالو عام ذهنیتونه دې تیری ته تیار کړل او بیایې په چلول او دنړۍ هېوادونو ته په قناعت ورکولو سره دملګرو ملتونو دلارې د څلوېښتونه زیاتو هېوادونو د لښکرو سره یوځای د«تروریزم سره د مبارزې»، «بیارغاونې»، «دموکراسی»، «دبشر حقوق» او داسې نورو تر درواغجنې جنډې لاندې زمونږ پر هېواد یرغل وکړ. امریکا او هملاسو یې دطالبانو منځنی پېړۍ ایز رژیم په څو اونیو کې را نسکور او پرځای یې دنړۍ تر ټولو فاسد او دخلکو ضد دولت زموږ پر بدمرغه ولس وتاپه.

دامریکا دپټو او ښکاره سیاستونو په پایله کې تروریزم او اسلامی بنسټپالی د انسانی ضد پدیدو په څېر د تېرو څلورو لسیزو په لړکې وده وموندله او داسې بلا ورځنې جوړه شوه چې نه یواځې د افغانستان وګړی بلکه د نړۍ ډېر هېوادونه یې د ناپوهی، جنایت او بربریت په اورستی کړل. دا امریکا وه چې دجنایتکاره بنسټپالو بانډونو په مالی او پوځی ملاتړیې د افغانستان ړنګولو او ویجاړولو ته لار هواره کړه.

که یو وخت افغانستان د دښمنانو په هدیره اړول شوی وو پرته له ګومانه نن ورځ دغه خاوره د یرغلګرو او لاس وهونکو په کلکسیون بدله شوې ده چې پرته له جنایتکارانو او پلویانو یی بل هیڅ آزاد او هیواد پاله افغان نشي کولای دغه فساد، زور زیاتی او دګاونډیانو سپکاوی وزغمي دا دی د ډیرو کلو څخه را پدیخوا اوس جګړه او جنایت د هلمند، قندهار، زابل، کندز، وردک او نورو ولایتونو څخه د ختیځ په لور غځول شویده، دا د ختیځ خلک دی چی د پاکستان په حملو، د ناټو او امریکا په بمباریو او د طالبانو په وحشت باید ووژل شی او کډوال شي.

په داسې حال کې چې د ناټو- امریکایي ځواکونو او طالبانو له خوا بمبار او وژنه دوام لري او هره ورځ د خپلو بې ګناه وګړو د عام وژنې کتونکي یو، لاسپوڅی دولت او یوه ډله مزدور روڼ اندي یې د افغانستان په خاوره کې د امریکا د دایمي پوځي اډو جوړولو خبرې کوي او په ډیرې بې شرمۍ سره غواړي چې هغه د هیواد او خلکو ستره لاسته راوړنه او د نیکمرغی راز وښایي .

د امریکا دولت چې د زورزیاتی تاریخ یې نړۍ ته څرګند دی، هیڅکله هم په زرګونو بلاؤ کې ښکېل افغانستان د خلاصون لپاره نه دی راغلی، بلکې په تیرو لسو کلونو کې پرته له فساد ډیرولو، بېوزلي ، وژنې ، د ډول ډول جنایتکارانو بې ساری ملاتړ، د مخدره توکو د تولید پرمختګ، دډبلو تنخواه ګانو ، بورسونو او ګرینکارتونو له لارې دمستعدو ځوانانو غلي کول ، په تمه کول او دبدلمنی خواته راکښل او په لویو پوستونو کې د ځینو "سي آی ای" پالل شویو کسانو مقررول لکه د ولسمشر ویاند، وزیران او داسې نورو څخه بل کار ندۍ ترسره کړۍ . هغه کسان چې د امریکا سیوری پر خپل سر غنیمت ګڼي او د نیواکګرو تر څنګ د زرګونو میندو او ماشومانو په وینو رنګ دسترخوان باندې ناست دي ، نه غواړي او نه کولی شی چې د دې بې غیرتي او پست فطرتي چتر له سوري څخه د یوې ثانیې لپاره هم راووځي ، هغه چتر چې ترلاندې یې خپل ځان او کورنۍ د افسانوي پیسو په واسطه چې د "جهاد" ، پوډرو او لوړو دولتي مقامونو څخه یې لاس ته راوړي ، پټ او خوندی احساس کوي . نو د یو نیم دوستانه "نیوکې" سره سره ، داسې د امریکا غوښتونکي دي چې ته به وایې امریکا د خیر غوښتنې ملنګ او د بشریت یوازینی ژغورونکی دی چې د په نشتوالی کې یې د افغانستان ملت د "طالب جان" لړم چیچي او ژوند یې نیستۍ ته درومی ! اما نیکټایي اغوستونکي او پڼې په پښوکوونکی دا خبره پټوي چې د طالبانو او نورو جنایتکارو بنسټپالو زیږدوونکی همدغه زبرځواک دی چې د "تروریزم سره مبارزې"، "بیارغاونې" ، "سولې" او اوس د دایمي پوځي هډو په جوړولو سره غواړي زموږ هیواد په خپل یوپنځوسم ایالت باندې بدل کړي. هغه څوک چې په افغانستان کې د امریکا پوځي اډې د "خپلواکۍ او دموکراسۍ" د ضامن په څیر تیوریزه کوي او ورو ورو یې ملت ته وړاندې کوي ، تسلیم شوؤ تیار خوړونکو نه پرته نور څه نه دي، چې عادت یې اخیستی ، تل یو بهرنی بادار خپل شاته ولري، څو د خلکو د پاڅون په پایله کې د خپلو وروڼو زین العابدین او مبارک او قذافي او ... په څیر د تاریخ په ډېران کې خښ نه شي .

په کابل کې د ایران د سفیر لچکانه ماشوم ډارونې په ځواب کې:

د افغانستان د همبستګۍ ګوند د یو شمیر بې ګناه هېوادوالو د وژنې د غندلو په خاطر د مرغومې په ۲۳ مه په کابل کې د ایران ویني څښونکي رژیم پر ضد لاریون په لاره واچو. زموږ ګوند په ایران کې د هېوادوالو د غرغره کولو په خاطر وړاندې هم د یو لړ لارینونو په ترسره کولو خپل غږ پورته کړی و.

د ټولو ارتجاعي ولس ضد رژیمونو له دود سره سم چې پر مخالفینو راز راز پټۍ لګوي، اسلامي جمهوري هم د ایران د قهرجنو خلکو ستر غورځنګ په هر راز بې ځایه تورونو تورنوي. څو میاشتې وړاندې د افغانستان د همبستګۍ ګوند د افغان پناه غوښتونکو او د ایران آزادۍ غوښتونکو چې د ایران د زیاتي کونکي رژیم په وسیله غرغره شوې ؤ لاریونونه پر لاره واچول، دغه لارینونه د ایران د بهرنیو چارو وزارت په بی سارې ناپوهۍ سره د اسلامي جمهوري نه لا ارتجاعي ډلې جندالله سره وتړل او دا وار په کابل کې د ایران سفیر فدا حسین مالکي لاریون کونکي په فاشیستي او د غرور نه په ډک آواز د "لویدیځو هېوادونو عوامل" په ګوته کړل او داسې فکر کوي چې کابل هم جماران دی، تر دې چې د هغوی د "پیژندنې او د نیونې" غوښتنکی هم شو!

د ایران د وینې څښونکي رژیم پرضد کابل کی د افغانستان د همبستګۍ ګوند لاریون

دردمندو هېوادوالو!

د ایران وینې څښونکی اسلامي جمهوري رژیم د خپلسرو غرغره کولو لړۍ چې لاتر اوسه ادامه لري، یو ځل بیا د نیمروز ولایت او د ایران په پوله کې زړه بوږنونکی جنایت زموږ د بې‌دفاع هېوادوالو په وژلو تر سره کړ، دغه وژل شوي خلک نه قاچاقبران وو او نه د ځمکې پر مخ شر اچونکي، بلکې بې‌دفاع کارګران وو چې د بې‌وزلۍ له امله د شاقه کارونو سرته رسولو لپاره ایران ته تلل. دغه رژیم په دې هم بسیا ونه کړه او د سیاسي لوبو پر بنسټ یې په دې سوړ ژمي کې قصداً زموږ پر خلکو د سون توکي بند کړل، څو زموږ بې‌وزله ولس بې‌شمېره ستونزو سره لاس او ګریوان کړي.

د ۱۳۵۷ لمریز کال د غویي اوومه د داسې ننګینې کودتا د ناورین پیل ؤ، چې تراوسه دوام لري. له نن څخه ۳۱ کاله وړاندې، د ۱۳۵۸ لمریز کال د مرغومى په شپږمه روسی سوسیال امپریالیزم د خلقی او پرچمی وطن پلورو په بلنه، د لوټ تالان په موخه، زموږ هېواد تر نظامي برید لاندې راوست او زموږ له ولس سره یې نابرابره جګړه پیل کړه، چې پایله یې زموږ ملت ته وژنه، زندان او زولنې، ویجاړونه، بې کوري او په سلګونه نور ناورینونه او د روسې زبرځواک د زوال او تاریخي شرمونکې ماتې وه.
دې تېري په مختلفو برخو کې د نورو پردیو لاس وهنې ته لاره اواره کړه، څو افغانستان یې د قتل او وژلو په ډګر بدل او زموږ د کړیدلي ولس ژوند یې د نابودۍ پر لور بوته. په دې دوران کې د غرب  او د ګاونډیو هېوادونو بې شرمانه لاسوهنو، په ځانګړې توګه پاکستان، ایران او عربستان د تورو جنایت کاره اخواني ګوندونو بې کچه ملاتړ وکړ او لکه د لیونو لیوانو په څیر یې زموږ پر ملت ورخوشې کړل، اووه ګونو او اته ګونو "هفتگانه و هشتگانه" ګوندونو په ډېر ویاړ سره د غلامۍ کړۍ په خپلې غاړه کې واچوله. دې ولس دښمنه ګوندونو زموږ د ملت د سراسر برحقه پاڅونونو د ټینګاو رهبري چې د تیری کوونکو او د هغوی د لاسپوڅو پر ضد وه، رزیلانه غلا کړه  او یو ځل بیا یې زموږ دردیدلی ولس د شا له خوا په خاینانه ډول په خنجر ووهلو. د غویي "ثور" توره اتمه ورځ د جهادي ګوندونو د سپیتانې جګړو او عام وژنو، جنایت کارو منځني پیړۍ ییزه طالبي لښکرو یرغل او د امریکا او ناټو نظامي بریدونه واړه زموږ د ملي او فرهنګي شتمنیو د بربادۍ لامل او په دردیدلو وګړو باندې وېروونکي ناورینونه دي چې د دې تاریخي خیانت جرړې په وطن پلورونکو خلق او پرچم ګوندونو پورې اړه لري، چې لا تر ننه یې له شر څخه نه یو خلاص شوي.

تظاهرات استقلال خواهی حزب همبستگی افغانستان در  شهر جلال آباد

دزمری ۲۸ دخپلواکي بیا ترلاسه کولو  یونوی  کلیزې سره برابره ده، په داسې ورځې کې ، شاه امان الله او ملګری یې په ټینګ هوډ دانګلیسی ښکیلاک په وړاندې ودریدل او دهیواد د ټولو ملیتونو د آزادی غوښتونکو په ملا تړیې دولسی پاڅونونو رهبری په میړانې تر لاسه او دانګلیس امپراتوری ملایې ماته کړه . نوی افغانستان تر پیړیو زورواکی اوښکیلاک وروسته ، دخپلو ملی اتلانو لکه امان الله خان، محمود طرزی، محمدولی خان دروازی او نورو تر لارښوونې لاندې  د پرمختګ او لوړتابه ازمیښت پیل کړ خو دانګلیسانو لاس وهنې ،  امانی ولسی حکومت ونړاؤ  او افغانستان د ځوړتیا پر لوری مخه کړه  او دولسی ضد، خاینو او فاسدو حکومتونو دمنځ ته راتګ لړۍ پیل شوه چې لاتراوسه دوام لری .

د ایران ځناوري اسلامي جمهوري د خپلواکۍ غوښتونکو پر ربړونه او انګیرل وژنه کېد ټولو ظالمو رژیمونو څخه وړاندې تللی دی. د تیرو میاشتو په بهیر کې یې د مبارزینو د غرغره کولو لړۍ پر لاره واچوله او د زیږدیز کال له پیل څخه په منځنۍ توګه په هر اتو ساعتونو کې د یوه زنداني ژوند اخیستی دی. د "ولایت فقیه" د دغو جنایتونو د بربنډ یدلو له امله د سلواغې نهمه په نړۍ کې د ایران د سیاسي زندانیانو د ملاتړ د ورځې په نوم اعلان شوې ده او د افغانستان د همبستګۍ ګوند ویاړي چې د دې پر بنسټ پر یو وخت په څو ښارونو کې لاریونونه په لار اچوي که چیرې مالی ستونزې او نور خنډونه نه وای، نو دغه ورځ به مو په ټول هېواد کې لمانځلې وی.

د ایران د مبارزو خلکو عمومي موازي پاڅون له امله د خامنه ای هیټلري/ احمدي نژاد رژیم کوښښ کوي د مبارزو بندیانو د غرغره کونې په ډاډ سره مخالفین وډاروي. لیکن دوی غلط انګیري. هغه وخت چې فرزاد کمانګر له خپلو څلورو تنو ملګرو سره تیر کال په سولۍ (دار) وځړول شو، ډاکټر سعید ماسوري له زندانه وکښل "موږ له پریکړي سره مه ویروﺉ... افسوس پرمونږ که زموږ د هېوادوالو او ملګروغرغره کول د پاڅون پرځای موږ وډاروي... د دې لپاره چې ووایم دغو غرغرو څومره ډارولی یم، چمتو یم چې وروسته له پنځو تنوڅخه به شپږم زه یم چې غرغرې ته چمتوشم." دا ستر ځواکمن ځواب او په واقعت کې د ډېرو ایسارو آزادۍ غوښتونکو او د ایران خلک چې تیغ یې هډوکو ته رسیدلی پرته له ګمانه جنایتکاره رژیم یې پر لړزه اچولی دی او د لیونتوب تر بریده یې رسولی دی.

مقالی

هنر او ادبیات

د تاریخ له پاڼو څخه

مونږ 186 میلمانه آنلاین لرو