په ننګرهار کی د همبستګۍ ګوند لاریونکونکو په زابل کی د اووه تنو هیوادوالو سر پریکول وغندل
- کټګوري : گزارشونه
- لیکونکی: د افغانستان همبستګۍ ګوند
- نیټه: شنبه, 23 لړم 1394
۱۳۹۴ کال د لړم ۲۱مه (۲۰۱۵ کال د نوامبر ۱۲مه): د «افغانستان همبستګۍ ګوند» جلالآباد ښار کی لاریون وکړ چی د کابل خلکو له پرتمین خوځښت څخه یی خپل ملاتړ اعلان کړ، او په زابل کی د اووه تنو بیګناه هزاره هیوادوالو سر پریکول په سختو ټکو وغانده. لاریونکونکو چی ډیرۍ یی ښځې وی له مرکزي شعار سره «د انسان وژونکو طالبانو، داعشیانو، تنظیم یانو او د هغوی بادارانو له ځناورتوب څخه د خلاصون یوازی یوه لاره ده: پوهه، یووالی، مبارزه!» لارو ته راوتی وو او د زابل شهیدانو انځورونه یی له ځانه سره وړل چی په یو پلاکارت کی لیکل شوی و: «زه پښتون هزاره یم- د ګرانې شکری غچ اخلم!»
د جلالآباد په ښار کی د همبستګۍ ګوند غړو او پلویانو له ځانه سره د زابل قربانیانو انځورونه وړل او ویل یی: «د اووه تنو ګرانو هزارهګانو له وینو ډکو جامو څخه د عدالتغوښتنی بیرغ جوړ کړو!»
یو شمیر لاریونکونکو له ځانه سره پلاکارتونه وړل چی په هغو کی لیکل شوی و: «زه پښتون هزاره یم- د ګرانې شکری غچ اخلم!»
