په کابل ښار کی د هیواد د خپلواکۍ بیرته لاسته رواړلو په ویاړ د شعارونو ځړول
- کټګوري : گزارشونه
- لیکونکی: حزب همبستگی افغانستان
- نیټه: دوشنبه, 29 زمری 1397
د ۱۳۹۷ کال د زمري په ۲۶مه (۲۰۱۸ کال د اګست په ۱۷مه) د «افغانستان همبستګۍ ګوند» ځوانانو د هیواد د خپلواکۍ بیرته لاسته راوړلو په ویاړ د ښار په بیلابیلو سیمو کی پیغامونو په ځړولو د مشروطهغوښتونکو او د خپلواکۍ جګړې له اتلانو او په ځانګړې توګه له شاه امان الله خان څخه لمانځنه وکړه او د خپلواکۍ ارزښت او پردیو پر وړاندې د مبارزې پوهاوی یی ورکړ.
په شعارونو له شاه امان الله خان او د هغه آزادۍغوښتونکو ملګرو څخه یادونه شوی وه، او خپلواکۍ غوښتنې او د پردیو پر وړاندې مبارزې لپاره خلک هڅول شوی وو. که څه هم د خپلواکۍ دغې پرتمینې ورځ لمانځلو لپاره دغه کار ډیر وړوکی دی خو بیا هم کولای شی چی ځوان نسل د خپلو نیکونو له قربانیو څخه چی د پردیو له ولکۍ د خلاصون په لاره کې ورکړي پوه کړي او هغوی اوسنۍ خطرناکې دندې ته چی د امریکا – ناتو بهرنۍ بلا او کورنیو تنظیمي، طالبي او داعشي چوپړانو څځه د هیواد ژغورلو لپاره یووالی او ورورولی ده، متوجه کړي.
یو شمیر شعارونه چی په ښار کې وځړول شول:
«باید د خپلو اولادونو او د هغوی راتلونکی نسلونو په زړونو کې د وطندوستۍ او سرښندنې حس تولید کړو. ځکه کله چی له سره تیر شو هیڅکله خپلواکي زمونږ له لاسه نشی تللی» (د خپلواکۍ په نهم جشن کی د شاه امان الله خان وینا، ۱۳۰۶ کال د زمري ۲۶مه)
مړه دې وي نیواکګر، ژوندۍ دې وي خلپواکي!
په سرتاسري پاڅون سره د هیواد خپلواکي د نیواکګرو او د هغوی چوپړانو څخه ترلاسه کړو!
د خپلواکۍ ورځې لمانځل د امریکایی نیواکګرو په وتلو سره معنی پیدا کوی!
ژوندی دې وي زمونږ د هیواد د خپلواکۍِغوښتونکو او آزادۍِغوښتونکو شهیدانو یاد!
د خپلو نیکونو په څیر په خپلو وینو د هیواد یووالی وساتو!
