افغانستان اینگ کوچلی اولکه لرنینگ قوراللیلیک رقابت میدانی بولماغیگه رخصت بیر مه یلیک!

افغانستان اینگ کوچلی اولکه لرنینگ قوراللیلیک رقابت میدانی بولماغیگه رخصت بیر مه یلیک!

امریکا بو سفر زرادخانه سیگه بار اینگ بویوک غیر هستوی بمبی نی که « بمب لرنینگ آنه» سیگه آتاقلی دیر، اولکه میزده توسیق سیز ودغدغه سیز آزمایش قیلدی. اگر بو دهشتلی آزمایش لرگه قرشی جیم اوتیرسک، افغانستانیمیز اینگ کوچلی اولکه لرنینگ قوراللیلک رقابتی شغالی میدانی بولیب اونی حتی هستوی تهلکه سی دوق ایتماقچی.

امریکالیک جنایتچی لری و اونینگ رسانه لری ایسته یدیلر که بیزگه بونی اونه تسه لر که اونینگ هدفی، اچین تومنیده داعش نینگ « ییر آستی نوتل لرنینگ بوزماغی» ایمش، اما بو داعش نی بویوک کورسه تماغی اوچون آچیق یلغان دیر. داعش، طالب لر دیک امریکانینگ حرامزاده باله سی دیر وهیچ قچان بو قولیگه ییتیشتیریلگنینی که بادارینینگ ایسته گیگه ماس کم نظیر بربرلیک بیلن اورته گه چیققن، یوق ایتمه یدی. امریکا اگر داعش گه قرشی تورگن بولسه ایدی، نیگه بو یاوایی کوچی نینگ اینگ بویوک کاروان لرینی سوریه وعراق ده قول اورمه سدن هیچ قچان بمب لر آنه سینی اولرنینگ اوستیگه یاغدیرمه دی؟.

منطقه دن قولگه کیلتیرگن اطلاع لریمیزچه، بو 16 ملیون دالرلیک بمبی بیر بوش منطقه گه و یخلیت آزمایش اوچون عملگه آشیریلگن دیر تا امریکا عمدلیکچه منطقوی رقیب لری اینیقسه روسیه گه کوز زهری کورسه تیب توشونتیرسه که پایگاه لریده اینگ الدوروچی قورال لرنی ییرلشتریب و افغانستانده هم تگی بوش واراده سیز داعش وطالب لر بیلن فکرداش ستم چی لردن شکل لنگن بیر دولت نی اورنتماغی بیلن شونداق یومروغیگه آلگن که او تماندن هر قنداق تباه ایتوچی قورال نینگ قوللنماغ زمینه سی بار.

بو بمب نینگ قوللنگنی « تروریزم گه قرشی کوره ش» ی بیلن هیچ علاقه سی یوق چون اولوسیمیز تجربه ارقلی بیلگن لر که اوتمیش 15 ییل جریانیده امریکا خودی افغانستانده تورلی تروریزم نینگ اساس قویوچی و تمویل قیلوچیسی بولیب و طالب لر بیلن یاو بولمه گنلیگینی قتله لرچه ایشیتترگن. وباشقه، داعش خاور میانه ده امریکا نینگ استراتیژیک حربه سی بولگنی بول سند لر بیلن اثباتلنگن که روسیه اتوک لرینی بی ثبات قیلماق اوچون اونینگ یوزی نی افغانستان شمالیگه تمان آیلنتیرماقچی دیر.

در حالیکه سوریه ده امریکا وروسیه قطبی نینگ اوروشی خطرلی باسقیچ چیگره سیده بارگن، بو بیر- بیرینینگ قانیگه تشنه کوچلرنینگ شاخ مه شاخ بولیش سونگی میدانی افغانستان بولماقچی دیر دیب برچه هشدار بیرماقده لر. اولکه میز بیر سفر بو ایککی سینینگ اوروش صحنه سی بولیب تاریخی نینگ اینگ قانلی واینگ فاجعه لی دورینی تجربه قیلدی، بو سفر چوقورراق تباهلیک آغزیگه توشماغیگه رخصت بیرمه یلیک. وحشت بیردملیک دولتی امریکا گه غلاملیک کیلیشوونامه امضا لشگنی و بادارلرینینگ بو آزمایشینی تایید لگنی بیلن، ملتیمیز نینگ حقیده اینگ یمان خیانت نی مرتکب بولیبدیلر. اما افغانستان نینگ ایرکین سیور و استقلال طلب اولوسی برباد ایتوچی خطر نی درک قیلیشی بیلن اولکه لری شرق وغرب نینگ قورراللیلیک رقابتیده ایاق آستی بولماغیگه رخصت بیرمسلیگی کیره ک.

15 ییل جریانیده امریکا نینگ هجوم وبمب لریده دفاع سیز وکمبغل اولوسیمیز اصلی قربان بولگن لر ایدی. بو قوراللر خطرلی کیمیاوی ورادیو اکتیو مواد دن توزیلگن لر که معمولا اولوس وچیگره اوستیده سوء و اوزون پیتلی سایه ساله دی و اولکه میز دی شدتلیچه بولغانتیرگن لر دیر.

امریکالیک رسانه لرنینگ یلغان تبلیغ لری و اوشبو دولت سوزچی لریگه که پنتاگون نینگ اعلامیه لرینی عینا چه ینه یدیلر، الده نمه ماغیمیز کیره ک. امریکا و واونینگ غلام لرنینگ زوروانچیلیگیگه قرشی ایاقه توریب مقاومت قیلمه سک، شک یوق که دلنبد افغانستانیمیز نی اتمی قوراللی بیلن ایسه آزمایش آستیگه قرار بیرماقچی دیر.

افغانستان همبستگی حزبی
۲۶ حمل ۱۳۹۶ (۱۵ اپریل ۲۰۱۷)

اۉزبېکچه بۉلیمی

تعداد مهمانان حاضر: 188 مهمان